Kaeng Kabaya

Konde manyalah deng bunga ron
manis paskali deng bibir merah delima
nona itam manis kaeng kabaya dari Ambon
biking nyong tagila-gila

kaeng kabaya, biking ale tamba manis
kaeng kabaya, jadi tanda kalo ale nona Ambon
kaeng kabaya, bukang berarti jadikan ale seng modern
kaeng kabaya pung artian spesial voor beta nyong Ambon

kong mangapa kaeng kabaya jadi kurang bahan?
kong mangapa kaeng kabaya takisu di ale mata?
kong mangapa kaeng kabaya seng dapa slak deng baju cele?
jujaro deng mungare Ambon pung bastel su talamburang..

beta deng ale jadi malu, malu yang mana?
baju kurang bahan, kameja turung nae deng calana tarobe panta sak...
seng pastiu yang penting bastel iko rame, mana baju cele deng kaeng kabaya?
akang samua ilang, katanya kuno mar balom tentu seng bermartabat

Ale Jujaro..., Ale Mungare ......
dunia ini memang su virkan,
kaki di kapala, kapala di kaki
Seng tau manir, su talamburang seng tau hati.....

Beta cuma mau biking inga, beta cuma mau kase suara,
tabiat orang Maluku pung malu hati paleng tinggi.
jaga katong pung harga diri
jaga katong pung kalakuang, supaya orang barekeng jang cuma karna babanting.