Laipose

Saat baku dapa, seng tau mau biking apa?

Saat pandang mata, cuma lewat foto
Saat bacarita, cuma lewat kata mar seng liat rupa
Saat tasonto rasa, rindunya mita ampun voor nona Ambon.

Bunyi omba labuang Passo, seng bisa pele suara hati
Beta manyanyi lagu rindu dalam hati 
cuma voor ale nona Ambon.
Seng sangka bisa bagini, seng sangka bisa terjadi amper jatuh beta pung hati

Adoee........
Laipose, basangaja biking manis carita
Onosel, bacarita baputar-putar kata
Nona pasti su dapa rasa.
Carita taputar carita nyong malu hati paskali....

Jang bilang kalo hati su tambah dekat
Meski berat rasa, kalau saja ika akang deng tali hulaleng voor jadi kisah
laipose tinggal laipose
Onosel jalan tarus jadi ondos di malam hari..

Nona....
Nyong abis bahasa
Nona....
Nyong gantong hati di batu gantong baku dekat Mangga Dua
Nona....
Nyong amper mati, sama deng Kudamati belum sampe di Passo
Nona....
Nyong rindu paskali dengar suara.

Biarpun nona bilang laipose, 
Nyong seng ambel pusing
Biarpun laipose biking babunga,
Mar hati ini pasti babuah

Babuah di hati jadi bukti, kalo bukang cuma babunga 
Waktu sibu-sibu dapa lia, datang angin tanjong Tial talapas seng jadi arti
Babuah di hati jadi bukti, kalo buah tujuan akhir dari babunga rasa 
Jaga hati, jaga rasa voor jadi buah, karna laipose seng selamanya penuh gombal...







2 comments :

Mato Marssy said...

semua orang akan senang bila orang basudara samua mau fahami basudara yang laeng

Jimmy Pattiasina said...

Betul itu bung Mato Marssy..
Danke banya sudah singgah di katong pung kintal (blog) TRADISI MALUKU.

Post a Comment

Dengan Senang Hati Beta Menanti Basuara Sudara-Sudara.

Video Profile Negeri Booi

Isi Kamboti

Google+ Pung

Tampa Kaki

Selamat datang di blog TRADISI MALUKU.. Semoga bermanfaat bagi anda!!