Salamat hari Dominggu

Deng kaki talanjang inja tanah
Baniang Itang, Tata bajalang ka gareja.
Mama iko dar balakang jadi pendamping
pake kabaya itang deng kaeng pikol,
hokmat paskali lia akang par waktu itu..!!!


Salamat har dominggu Ale......
Salamat har dominggu Wate ...
Salamat har dominggu Mui...
Salamat har dominggu Tata ....
Salamat har dominggu Mama....
Salamat har dominggu Oom...
Salamat har dominngu Ua....
saling baku kase suara manis paskali....


Nuansa har dominggu di negeri-negeri Sarane..
Har dominggu har isitirahat voor bakumpul kebaktian.
har dominggu jadi tanda voor beta deng ale yang seng pi, harus tinggal tado di rumah..
bukang maeng, tabiat voor tundu par Tuang Allah tabangong dalam tabiat.
Har dominggu baganti hari..


Satu yang beta mau bilang, salamat har dominggu lai...
Mari ale o katong jaga kekudusan har dominggu...
voor beta pung basudara Salam, salamat beristirahat di hari dominggu lai
salamat berlibur deng basudara pela gandong disana, di ale dong pung negeri yang permai... [SA.95]J.Pattiasina

4 comments :

shemgrace said...

moi eee

Jimmy Pattiasina said...

Dangke su basuara di beta pung kintal sapanggal ni..

shemgrace said...

hidop ini flander akang supaya akang jadi manis kio.. sagala hormat par Hua ....


Horomate beta

Jimmy Pattiasina said...

Dangke Shemgrace.... su kase suara di beta pung kintal ni..

Post a Comment

Dengan Senang Hati Beta Menanti Basuara Sudara-Sudara.

Video Profile Negeri Booi

Isi Kamboti

Google+ Pung

Tampa Kaki

Selamat datang di blog TRADISI MALUKU.. Semoga bermanfaat bagi anda!!