#PikiranHauHau

HETU BATU
Orang bilang "batu mulia" tu Mas kio.
Bukang "Mas" Jawa di Indonesia bagiang Barat sana, maar eMas yang kuning-kuning tu e..?? Itu tu, batu yang dar dunia dolo sampe oras, salalu mahal, deng salalu nae harga sabang waktu. Jadi batu sat conto ni, akang dapa cari dimana-mana, asal mansia dapa tau akang pung lobang dimana saja, sampe gunung jua dong kase botak akang par jadi "gunung botak" cuma gara-gara "batu mulia", itulah eMas.
Di paragrap baru, ada "batu Bacan, batu Obi, batu Seram, sampe deng batu Soya", samua tu dong par satu korps di ampalop; "Batu Akik" itu dorang pung nama "kesatuan". Ahaha mangkali kesatuan "kabaressi" kapa?? Kong pake nama kesatuan lai alee..
Lanjut carita, dalang barapa taong terakir ni, batu akik akang paleng laku, dengan harga saja sampe biking beta bingong,.seng tahu kata mansia-mansia yang dorang jaga koleksi akang batu akik tu, dorang pung penilaian akang dar mana?? Sampe satu batu saja bisa laku, labe dar harga oto trek sabiji pung harga. Bapa kamponang jua hee. Maar sudah jua, itulah kalabehang batu akik sesuai deng akang pung tanuar kio, beta jua cuma bisa dudu hetu akang saja ni, maar seng kuat par pung satu di jare ale sudara ee..

» Read More...

Video Profile Negeri Booi

Isi Kamboti

Google+ Pung

Tampa Kaki

Selamat datang di blog TRADISI MALUKU.. Semoga bermanfaat bagi anda!!