SU AMPER SIANG


Ayam su kukuruku, matahari su mulai buka mata sadiki,
Har dominggu datang kombali.
salamat pagi par samua...
...basudara salamat har DOMINGGU.

Basudara Salam, salamat hari bae par libur e.
Basudara Sarane, salamat iko kebaktian lai e.
Maluku masih pung kakehang, biking rakyat pono hokmat..
Mae oo... Salam-Sarane o.....

Maeoo katong baku kalesang laeng,
laeng tongka-tongka laeng...
jang tikang-tikang laeng...
ale gandong, katong baku gendong tahang balakang.

Inga moyang-moyang pung janji.
jaga sampe mati.
Maluku Negeri Raja-Raja.
Maluku negeri ribuan uku. [SA.95] J.Pattiasina

4 comments :

pinggirsentris said...

Tabea,
Beta singgah sadiki par bilang salamat...

Mari laeng tongka laeng...

Mena !!

Pattiasina said...

Dangke Sodara, su singga kio..
Sebuah kehormatan atas kunjungan dan komentar anda, karena Maluku membutuhkan perhatian generasi mudanya untuk tetap peduli terhadap tradisi dan budayanya.

ida said...

sio.. jang tunggu ayam kukuruku baru skrek.. bangong... bangong... mari baku pegang tangan..
angka muka kas tau par seluruh anak negeri, katong masih simpang rasa hormat dan malu..katong masih simpang rasa sayang.. mari buka akang untuk dipakai sama-sama..

somba,

mahina Hausihu (Negeri Morella)

Pattiasina said...

Rasa sayang karna katong basudara inilah yang biking katong musti maju, Karna Maluku minta itu dar ana-ana cucu. Laeng Tongka-Tongka Laeng.

Dangeke banya-banya su mengente beta pung kintal sacubi ini.

Post a Comment

Dengan Senang Hati Beta Menanti Basuara Sudara-Sudara.

Video Profile Negeri Booi

Isi Kamboti

Google+ Pung

Tampa Kaki

Selamat datang di blog TRADISI MALUKU.. Semoga bermanfaat bagi anda!!