DUURSTEDE ANCOR LELE

Badiri di tanjong bunga karang
Dapa lia ba'sar sabuku mai
Tampa bajejer mariam, wapeng, sampe kalewang
Akang atlepa di jiku pante batu tabadiri
Dorang tukang kabualang ulang aleng
Laste takort musti putus bage dua di ujung parang
Itu makaart katong turunkan dar gunung saniri
Kahua Kabaressi para Kapitang deng Malessi
Hetu Uliaser bukang asal sabarang
Ale sala ale dapa, ale karas dapa pilang
Sei hale hatu, hatu lisa pei
Sei lesi sou, sou lesi ei
Meski bagitu bobou wangi cengke deng pala
Jadi sejarah perjuangan bangsa sejak dolo kala
Par baku tahang gunung deng tana
Dari tangang para penjajah durhaka..
Dengarlah, tembok bukang asal dar baja
Duurstede dibangong deng batu-batu Saparua
Mari katong torana akang
Serang pica dar sagala arah
Biking dorang gometar macang deng Lema
Biking dorang para mener barmaeng deng darah
Par yang muda akan mati deng karontji
Su baruma tangga akan linyap kas tinggal nama
----------------
** Puisi ini beta abadikan kepada Orang Maluku di pulau-pulau Lease, yang dahulu pernah merebut kekuasaan VOC Belanda dengan ditandainya jatuhnya kekuasaan benteng Duurstede di Saparua oleh penyerangan Kapitang Pattimura dan teman2.

Puisi Karangan : Jimmy Pattiasina
(Foto : Download at SAPARUA KOTA TEMPOE DOLO/ SKTD Group On Facebook)

0 comments :

Post a Comment

Dengan Senang Hati Beta Menanti Basuara Sudara-Sudara.

Video Profile Negeri Booi

Selamat datang di blog TRADISI MALUKU.. Semoga bermanfaat bagi anda!!